2017年度小天使聖誕嘉年華暨AGM週年大會

HOSONFAMILY

HosonFamily 5位 2日都可以，謝謝

occadmin

由於絕大部份家庭也屬意24號, 已預留24號了!

占美

occadmin 發表於 2017-9-22 17:12
由於絕大部份家庭也屬意24號, 已預留24號了!

辛苦了！為了我們！為左答謝你，我們一家會將歡樂帶給你^^"

occadmin

咁你地幾多人黎呀？
嵐嵐屬於5歲以下小朋友，我地包，不計錢

occadmin

乘機再呼籲一下，希望大家多多支持一年一度嘅小天使聖誕嘉年華，因為若果十一月尾之前，唔夠100人，就唔可以係Harbourview度包塲了....又或者每人要比多$50了

occadmin

1）明白聖誕節前後大家都好多活動，學校活動、中心活動，我地唔能夠同佢地爭，而且絕大部分都要返工，先唯有揀紅日，今年喜幸可揀24或26，但其實並冇任何附加費

2）聖誕節大時大節，出街食飯又貴又多人，我地就係知道天使家庭都有呢d問題，所以好想為大家係呢d日子也可以狂歡，我地做左好多嘢先可以爭取到咁平

3）現在爭取的價格，已經係慈善價，再加上我地個會也有墊底，酒店自助餐始終有價，就算改早幾日或者改後一星期，也冇可能平到一、二百

4）至於點解一定要揀酒店，其實唔係要威，而係大時大節搵塲地其實好艱難，Harbourview係多年來絶無僅有好支持我地嘅機構，我地又要搞週年大會，要一個咁大嘅塲，包所有設施，仲要四點到十點，其實自己租塲都要幾千蚊，未包飲未包食

5）作為一個認可慈善團體，一年一度週年大會一定要搞，聖誕已經係最齊人，希望用豐富節目作招徠，又有得食又有得玩，若果單搞週年大會，唔敢想像有冇卅人

6）除左自助餐，其實每年嘅禮物、佈置及遊戲也要花好多時間、資源、人力及物力

我地其實已經好盡力，協調各樣嘢，畢竟HKASF成立至今收入不多，又冇資格申請任何funding ，就連今年聖誕嘉年華又搵唔到贊助，我地只好盡力而為，由大家的反應來決定，應唔應該繼續搞！

occadmin

其實正價成本超過$500@
我地因應天使家庭人數商議緊收$250-$300@

此外，一如既往，仍然努力緊搵sponsors ，但可惜至今仍未有著落

但若果唔夠100人，Harbourview 就要加loading才可以包塲，變相每人要加$50了

不過，我早前已應承大家，收費絕對唔會貴過$300一位，所以若最終唔夠人，唯有從頭做過，再搵過第二個地方

occadmin

若果部分家庭都支持統一收費而又冇其他家庭反對，暫定係咁！

1）現正式公佈每家庭不限報名人數，我㦝請未報名而有打算報名嘅天使家庭為免向隅，盡快報名，額滿即止！

2）由於我地已公開接受報名一段時間了，但仍未達最低人數，現呼籲大家今日起可邀請親朋好友一起參加，不限名額，但先報先得，按目前已報人數，餘額尚有24位，滿額就截止！

希望好快可成團！

occadmin

峻僑媽意見

其實我有小小見意想提出，希望大家唔好介意，我們個會本身會員唔多，如果個會唔夠錢，暫時又未揾到sponsors ，咁可唔可以轉個細小小的場地，因為天使家庭的資助係好，但個會要再資助埋親友會唔會吃力呢？
因為我們每個天使家庭人數不一，咁可唔可以資助每個家庭上限人數呢？唔駛個會補貼咁多、咁吃力？
我只係希望內閣的人員唔好咁辛苦！

occadmin

Hoson媽的回應

我某些客人都常有捐款。其中有一個客人都試過捐5千蚊sponsor 我們。平時天使活動，如果受外人玩時，佢地都有留意。其實我未問。都係等天使家屬成員，等大家報晒先。我係後援