小天使聚會 - 充氣彈床嘉年華

occadmin

室內大型跳彈床可說是近年熱爆嘅活動之一。然而，我地一班傷健嘅小朋友基於安全理由，往往未必可以成行。
將軍澳中心舉行左一個充氣彈床嘉年華，多得Judy 、Nicky 同Rita 一直對天使家庭嘅關愛，為HKASF成功爭取安排一個private section 接待天使家庭，我地可以响一小時內任玩，不限人數，不限次數，最重要係大人細路同小天使都可以入去玩，我地仲有一班熱心義工協助，以策安全。

日期 : 30-07-2016
時間 : 11 : 00 - 14 : 00
地點 : 將軍澳中心
查詢 : info@hkasf.org / +852 5125 8111

歡樂...
永遠都係小天使嘅印記。無論工作上有幾艱辛，照顧上有幾勞慮，只要看到小天使嘅笑臉，所有唔開心舜間即逝!
夏日炎炎，HKASF嘅暑期活動更是一浪接一浪，繼續以歡樂感染身邊人!
日前HKASF率領十多個天使家庭，一行50幾人參加將軍澳中心嘅充氣彈床嘉年華。特別鳴謝將軍澳中心提供及贊助特約時段，讓我地有一個安全、愉快及難忘嘅經歷。
當日氣氛熱鬧，塲面狀觀，大人細路同小天使都玩得忘形，感謝我地一班熱心嘅義工協助，過程既繽紛但安全。做完運動後，我地更誠邀所有小天使家庭去酒樓飲茶，繼續歡聚聯誼一番。