香港理工大學設計學院 x HKASF 宣傳短片 -- 「什麼是天使綜...
HKASF其中一個成立宗旨，透過各種途徑，令社會大眾認識、關注和支援「天使綜合症」。「萬丈高樓平地起」我地從根基開始，從教育出發，希望讓新一代自小也有機會了解及接觸何謂罕見病患，透過不同嘅活動或工作坊，從小培養他們關愛傷健人士嘅意識。
早於2015年6月，HKASF與香港理工大學已開始草議合作計劃，經多番相討，終於成功落實與大學設計學院合作，並將計劃加插入2015年度學生嘅課程當中，計劃目標是為天使綜合症提供一連串嘅宣傳方案，當中更包括學生嘅短片創作呢！
https://youtu.be/bDPiLhGmres
由當初認識接觸、資料搜集到拍攝作品，雖然只是短短兩三個月，但我見到呢班90後嘅用心、真心及愛心，確實令我地十分動容，而且完成作品更是水準之作，肯定係HKASF將來其中一輯出眾嘅宣傳產品。縱然計劃早於十二月已順利完成及結束，一班熱心嘅學生更主動加入到HKASF嘅義工團隊，繼續身體力行支持我地嘅侍奉。
日前，終於收到大學嘅正式通知，授權我地可使用學生為HKASF所特製嘅宣傳短片及硬照，急不及待馬上與大家分享，希望大家能廣傳，認識天使綜合症之餘，也藉此喚起社會大眾嘅關注與共鳴。
香港理工大學 |19-08-2016
頁:
[1]