occadmin 發表於 2017-9-25 09:32:59

工作坊@香港大學醫學院分享


多謝香港大學李嘉誠醫學院兒童及青少年科學系臨床醫學副教授鍾侃言醫生嘅邀請,我同Andy有機會到香港大學醫學倫理及人文學部,以病人家長身分向一班港大醫科學生作分享及交流。

課堂中鍾教授特意挑選2015年我地有份參與嘅港台節目,「沒有牆的世界V」--《天使的詩篇》與學生一同欣賞,希望能帶出罕見疾病雖然罕有,但其實也不容忽視,值得我地關注。

能夠與百多名香港尖子同塲回味《天使的詩篇》嘅劇情及箇中點滴,確實是一番新體會;一幕一幕嘅片段重現眼前,令我地感觸良多,究竟...兩年來,我地這幅牆,有冇拆下來呢?

縱使政府政策仍然未能完善顧及,醫療制度下仍有許多不足之處;但我地仍然看見不少醫生、教授、社工、病人組織、社福團體甚至病患家庭不斷為界別出力,各自為「使命」而奮鬥!

我自命不才,40多年來也一事無成,但原來天生我才必有用,上天賜我小天使詠寧,一個屬於嚴重智障界別嘅天使綜合症病患者,卻是為我地一家人種下「使命」,教我地從另一角度去感染他人,用生命去感動生命。

盼望呢班莘莘學子,未來嘅社會棟樑,能夠珍惜上天給予嘅天賦才能,繼續肩負自己嘅「使命」去造福人群!

再次感謝鍾教授嘅邀請,喺你帶領HKASF嘅成長,多謝Andy及HKASF團隊嘅配合,能夠與你地同行,為社區效力是何等嘅榮幸!

不經不覺兩週年,
「沒有牆的世界V」--《天使的詩篇》
http://www.hkasf.org/tc/media_detail.php?id=25

occadmin 發表於 2017-9-25 14:36:01

真心感動
頁: [1]
查看完整版本: 工作坊@香港大學醫學院分享