關愛一站通全新項目
不經不覺，COVID-19纏繞左我哋已經超過500日，無論係個人、家庭、社會以至全世界都大受影響，無一倖免，對於我哋一班殘疾、病患或特殊需要嘅朋友仔們，尤是影響更甚；我哋好多病患家庭嘅小朋友，莫講話打疫苗，就連帶口罩都非常困難，為左安全，有d整整一年都足不出戶，治療停、學習停、訓練停，無論「生理」及「心理」都出現嚴重嘅大倒退…..好多由食得變到食唔到，行得變到行唔到，有d更有嚴重嘅情緒問題；最心痛是….我哋能夠提供嘅支援可謂足襟見肘！作為一個病人自助組織，我哋絕大部分工作都係由義工負責，主要收入來源也是來自社會捐獻，受到疫情嘅影響，所有服務及項目被迫暫停或取消，好多策劃中嘅長遠發展項目更是無限期擱置。面對人手不足、資源短缺、儲備拮据嘅情況之下，HKASF 昂然踏入第7個年頭，縱然今非昔比，人手凋零，但初心不變，繼續以愛作動力，用生命感動生命！
既然揮之不去，唯有接受並努力求存；HKASF推出全新項目「關愛理」，鋭意於疫情緩和之際，及時籌辦不同類別的「工作坊」，協助罕病、殘疾或特殊需要人士及其家庭，從眼、耳、口、鼻、手、足，等「個人護理」方面入手，希望令大家盡快重拾正軌，改善及提升生活質素。
**密切留意我哋下星期嘅公佈，頭炮「關愛理」項目會於八月中推介，九月正式推出！**
https://scontent.fhkg4-2.fna.fbcdn.net/v/t1.6435-9/228646574_1537877016543829_4456800878786601436_n.jpg?_nc_cat=103&ccb=1-4&_nc_sid=8bfeb9&_nc_ohc=D2LEUdsuAqYAX_8mc0m&_nc_ht=scontent.fhkg4-2.fna&oh=9cdc38a33950675675b484adec616edb&oe=6138C964
頁:
[1]