occadmin 發表於 2017-8-21 12:38:22

母親節活動「小天使愛媽媽暨天使綜合症展覽會揭幕...

由香港天使綜合症基金會與將軍澳中心合辦,於昨日母親節舉行嘅「小天使愛媽媽暨天使綜合症展覽會揭幕禮」在歡欣、溫馨及感動嘅笑聲下,順利完成了!

日期 : 08-05-2016
時間 : 12 : 00 - 16 : 00
地點 : 將軍澳中心
查詢 : info@hkasf.org / +852 5125 8111

再一次多謝一班勞苦功高嘅內閣團隊,各人緊守崗位,各按各職,令到整個過程得以暢順地進行。感謝我地嘅一班義工群組,為我地嘅展覽塲區打點,好評如潮。感激14個天使家庭挺身支持,你地嘅參與及委身為HKASF奠定了一個里程碑!

特別鳴謝主辦單位及各出席嘉賓,你地嘅支持及鼓勵帶領HKASF走進另一個新紀元!(排名不分先後)
-將軍澳中心
-楊鴻濤博士
-G2000
-宏廣國際幼稚園
-仁濟醫院趙曾學韞小學
-A cappella 組合「打思憶」

還有各大媒體嘅採訪及報導令到更多人得以了解天使綜合症。

我地嘅展覽塲自5月7號起會一直開放,為期2星期至20日,歡迎普羅大眾前來參觀、了解及協作廣傳。切勿錯過我地嘅愛心慈善大行動;展區內設有「我承諾作出關懷」相框拍照區,當參觀者於該塲區內拍攝照片,並上傳到香港天使綜合症基金會Facebook專頁,每一用戶上載一張相片,G2000將會捐出HK$20,以支持香港天使綜合症基金會。
多謝各界熱心支持,用行動去認同及支援我地,最終一共收集到536張合資格相片。經HKASF會計師點算及核實,是次項目一共為HKASF籌得HK$10720,善款已於日前由G2000公司,全數轉入HKASF嘅戶口內,並用作常務營運之用途。
此外,於展覽期間,我地放置於將軍澳中心G2000門店內嘅籌款箱,也為HKASF籌得HK$3030。再一次多謝大家嘅慷慨解囊,我地會善用分毫,繼續支援及服務小天使病患者及家庭。



頁: [1]
查看完整版本: 母親節活動「小天使愛媽媽暨天使綜合症展覽會揭幕...