occadmin 發表於 2019-5-6 11:21:58

子女患選擇性失語症 劉美娟:以同理心去理解

子女患選擇性失語症 劉美娟:以同理心去理解

劉美娟與譚玉瑛今日到將軍澳為扶康會活動擔任主禮嘉賓及評判,劉美娟透露平日亦參與很多共融活動:「我曾經喺電台節目訪問過扶康會,知道佢哋呢個『老友鬼鬼』計劃好好,搵啲老人家義工陪伴特殊小朋友成長,所以今日都特別嚟支持佢哋。」

劉美娟的子女曾患有選擇性失語症:「世界太大,你以為唔正常嘅事,可能其實係正常,倒不如我哋去接納大家、以同理心去理解對方,咁就唔需要咁執着。」問到兒子有否試過在街上情緒失控?她表示兒子不會扭計,但試過因表達不到情緒而不肯行:「佢個腦太快但係又未表達到,當時佢好唔開心,於是一直企喺商場唔肯行,不過而家大個咗表達得好好。我覺得如果小朋友喺街扭計,應該要由得佢發洩咗情緒先,等佢冷靜咗先去緩解。」

母親節將至,劉美娟甜絲絲說:「母親節對我其實唔重要,因為我覺得自己每日都好幸福,因為老公同仔女好錫我、好支持我,我已經覺得好滿足。」

Alexman 發表於 2019-5-6 11:24:39

喜歡呢句

//「世界太大,你以為唔正常嘅事,可能其實係正常,倒不如我哋去接納大家、以同理心去理解對方,咁就唔需要咁執着。」//
頁: [1]
查看完整版本: 子女患選擇性失語症 劉美娟:以同理心去理解